Surah Al Inshiqaq Ayat 1-2-3-4-5 Urdu Translation Tafseer

Para 30 - عَمَّ

سورة الانشقاق

Audio PDF

بِسْمِ اللّٰهِ الرَّحْمٰنِ الرَّحِیْمِ

84.1-2-3-4-5

اِذَا السَّمَآءُ انْشَقَّتْۙ (1) وَ اَذِنَتْ لِرَبِّهَا وَ حُقَّتْۙ (2) وَ اِذَا الْاَرْضُ مُدَّتْﭤ(3) وَ اَلْقَتْ مَا فِیْهَا وَ تَخَلَّتْۙ (4) وَ اَذِنَتْ لِرَبِّهَا وَ حُقَّتْﭤ(5)

Kanz ul Iman Kanz ul Irfan

کنزالعرفان

جب آسمان پھٹ جائے گا ۔ اور وہ اپنے رب کا حکم سنے گااور اسے یہی لائق ہے۔ اور جب زمین کو دراز کر دیا جائے گا۔ اور جو کچھ اس میں ہے زمین اسے (باہر) ڈال دے گی اور خالی ہوجائے گی۔ اور وہ اپنے رب کا حکم سنے گی اور اسے یہی لائق ہے۔

تفسیر : ‎صراط الجنان

{اِذَا السَّمَآءُ انْشَقَّتْ: جب آسمان پھٹ جائے گا۔} اس آیت اور اس کے بعد والی 4آیات کا خلاصہ یہ ہے کہ قیامت قائم ہونے کے وقت جب آسمان پھٹ جائے گااور وہ اپنے پھٹنے کے بارے میں اپنے رب عَزَّوَجَلَّ کا حکم سنے گا اورا س کی اطاعت کرے گا اور اسے یہی لائق ہے کہ وہ اپنے رب عَزَّوَجَلَّ کا حکم سنے اوراس کی اطاعت کرے اور جب زمین کوبرابر کرکے دراز کر دیا جائے گا اور اس پر کوئی عمارت اور کوئی پہاڑ باقی نہ رہے گا اور زمین اپنے اندر موجود سب خزانے اورمردے باہرڈال دے گی اور خزانوں اور مُردوں سے خالی ہوجائے گی اور وہ اپنے اندر کی چیزیں باہر پھینک دینے کے بارے میں اپنے رب عَزَّوَجَلَّ کا حکم سنے گی اور اس کی اطاعت کرے گی اور اسے یہی لائق ہے کہ وہ اپنے رب عَزَّوَجَلَّ کا حکم سنے اور اس کی اطاعت کرے تو اس وقت انسان اپنے عمل کا نتیجہ ثواب اور عذاب کی صورت میں دیکھ لے گا۔( خازن، الانشقاق، تحت الآیۃ: ۱-۵، ۴ / ۳۶۳)